La Guía de Recursos Musicales nel Principáu d’Asturies ye un directoriu profesional dedicáu a la música y la danza nel Principáu d’Asturies. Naz pa facilitar la comunicación ente tolos protagonistes de la vida musical asturiana, y ente estos y la sociedá

Los alredor de mil quinientos rexistros de la guía contemplen abondos campos d’interés, tanto pal profesional como pal aficionáu: señes, teléfonos, páxines Web, correos electrónicos, representantes, actividaes, etc., con datos relativos a profesionales, centros d’enseñanza, entidaes dedicaes a la interpretación (coros, grupos de danza, pop, folk o rock, música de cámara, orquestes, bandes de música, gaites...), sales de música y danza, fundaciones, patronatos, asociaciones, festivales, ciclos de conciertos, temporaes, certámenes, cursos, sociedaes filarmóniques, comercios musicales, productores fonográfiques, editoriales de música y un etcétera bien llargu.